Ульяновск автозаводи «Люкс Форм» компанияси билан ҳамкорликда «Байкал» номли навбатдаги автоуйни яратди. Компания вакилларининг сўзларига кўра, дастлаб кемпер европалик мижозлар, хусусан, германиялик харидорлар сўровига кўра яратилган. Бироқ эндиликда бу каби автомобилдан Россияда ҳам фойдаланиш мумкин, хусусан, уни янги ёки минилган «Буханка» базасида яратса бўлади, деб хабар қилади Motor.
Автомобилни ғилдираклар устидаги уйга айлантириш амортизатор ва фиксаторларга эга арматурали стеклопластик кўтарма томни ўрнатишдан бошланади. Бунинг натижасида салон баландлиги икки метрга қадар ошади, кемпернинг баландлиги эса 2710 миллиметрга етади. Кузов қаттиқлигини сақлаб қолиш мақсадида алюминий ромдан фойдаланилади.
Тепа қисмида икки кишилик каравот жойлашган, шунингдек, кузовнинг пасти ён томонларига қотирилган бир жуфт секциянинг очилиши натижасида яна бир ўрин пайдо бўлади, уларни йиғиб қўйиш орқали икки йўловчига ўриндиқ ҳосил қилса бўлади.
Автомобиль салонидан шкаф, тўлиқ жиҳозланган ошхона, музлаткич, сув учун 20 литрли идиш, плита ва кўчма столчалар ўрин олган.
Изоҳ (0)