Хитойда ўтган бир сутка ичида коронавирус билан касалланиш бўйича яна тўртта ҳолат қайд этилди, шунингдек, 32 бемор соғайишга муваффақ бўлган, ҳеч ким вафот этмаган. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Таъкидланишича, COVID-19 билан касалланган беморларнинг барчаси четдан кириб келган бўлиб, улар Шанхайда аниқланган. Хитойда коронавирус инфекциясини четдан кириб келиши билан боғлиқ жами 1664 та ҳолат қайд этилган. Ҳозирда уларнинг 525 нафари шифохоналарда қолмоқда, 13 нафарининг аҳволи оғир. Беморларнинг 1139 нафари соғайишга муваффақ бўлган, Хитойда четдан кириб келган беморларнинг бирортаси вафот этмаган.
«Соғлиқни сақлаш миллий комиссияси мамлакатнинг 31 та провинциясида коронавирус билан касалланганлар сони 82 862 кишини ташкил этгани тўғрисида маълум қилди. Ҳозирда касалларнинг 619 нафари даволанмоқда (41 нафарининг аҳволи оғир), 77 610 кишига шифохонадан жавоб берилган, 4633 нафари вафот этган», — дейилади хабарда.
Аввалроқ хитойлик тадқиқотчиларнинг коронавирусга қарши вакцинаси макака маймунларида муваффақиятли натижа бергани маълум қилинганди.
Мавзуга доир:
Изоҳ (0)