АҚШда коронавирус қурбонлари сони 60 966 кишига етди. Бу ҳақда касаллик ҳақидаги федерал ва маҳаллий ҳукумат, ОАВ ва бошқа манбалардаги маълумотларни умумлаштириб борувчи Жонс Ҳопкинс университети маълумотларида келтирилган.
Аввалроқ Оқ уй мутахассислари фуқаролар ҳукумат томонидан ўрнатилган чеклов чораларига риоя қилса, коронавирус қурбонлари сони 240 минг атрофида бўлишини тахмин қилганди. Шундан сўнг Трамп АҚШда коронавирус оқибатида вафот этадиганлар 100 минг кишидан сезиларли даражада кам бўлишини эълон қилган. Апрель ўрталарида эса Трамп қурбонлар сони 60-65 минг атрофида бўлишини билдирган.
Бутун мамлакат бўйлаб COVID-19 коронавирус инфекцияси билан касалланганлар сони 1 миллион кишидан ошган, 120 мингдан ортиқ бемор даволанишга муваффақ бўлган.
Эслатиб ўтамиз, 27 апрель куни Оқ уйда ўтказилган брифингда мамлакатда коронавирус билан боғлиқ вазият яхшиланаётгани маълум қилинган эди.
Изоҳ (0)