Ўзбекистон Президентининг қарорига мувофиқ Воҳиджон Муҳаммаджонович Аҳмаджонов Ўзбекистон Республикаси сув хўжалиги вазирининг ўринбосари лавозимига тайинланди. Бу ҳақда Сув хўжалиги вазирлиги хабар берди.
Вазирлик томонидан маълум қилинишича, Воҳиджон Аҳмаджонов мазкур тайинловга қадар вазирлик ҳузуридаги Ахборот-таҳлил ва ресурс маркази директори лавозимида фаолият юритган.
Қайд этилишича, Президентнинг 2019 йил 25 октябрда «Сув ресурсларини бошқариш тизимини янада такомиллаштириш чора-тадбирлари тўғрисида»ги қарорига асосан, вазир ўринбосарининг зиммасига сув хўжалигини инновацион ривожлантириш, илмий ишланмалар натижаларини, сув хўжалигини бошқариш ва сув хўжалиги объектларидан фойдаланишнинг илғор усулларини амалиётга фаол жорий этиш киради.
Шунингдек, вазир ўринбосари замонавий технологияларни қўллаган ҳолда сув хўжалигининг суғориш тизимларини модернизация, реконструкция қилиш ва таъмирлашга қаратилган комплекс чора-тадбирларни амалга ошириш учун ҳам масъул ҳисобланади.
Изоҳ (0)