Тошкент шаҳри Учтепа тумани ҳудудидан ўтган Тошкент ҳалқа автомобиль йўлида 27 апрель, душанба куни, юз берган ЙТҲ оқибатида юк машинаси ҳайдовчиси ҳалок бўлди. Бу ҳақда ЙҲХББ хабар бермоқда.
Ҳодиса соат 11:30 ларда «Ўзбекнефтгаз» АЁҚШ қаршисида рўй берган. 1970 йилда туғилган А.К. бошқарувидаги «Газель» асосий йўлдан ҳаракатланиб келаётган ҳайдовчи Б.Х. бошқарувидаги Hyundai Porter юк машинасига йўл бермаганлиги оқибатида тўқнашув содир бўлган.
ЙТҲ оқибатида 55 ёшли Б.Х. оғир тан жароҳатлари олиб, воқеа жойида вафот этган.
Эслатиб ўтамиз, 27 апрель куни Сурхондарёда «Камаз» ва Nexia тўқнашиши оқибатида енгил машина йўловчиси вафот этганди.
ЙҲХББ йўл ҳаракати иштирокчиларини карантин вақтида заруратсиз кўчага чиқмаслик, зарурат билан чиққанда ҳам йўл ҳаракати қоидаларига амал қилишга чақирди.
Изоҳ (0)