Американинг 11 Ravens компанияси фақатгина Rolls-Royce автомобилига эга харидорлар сотиб олиши мумкин бўлган чекланган миқдордаги бильярд столини яратди, деб хабар беради Motor.
Калифорниянинг Анахайм шаҳрида жойлашган 11 Ravens фирмаси алюминий ромга ўрнатилган Lucite маркасидаги қора органик ойна, диодлар ва 14 қиротли (карат) олтин билан безатилган бильярд столини тақдим этди. Стол дизайнини яратишда уларни Американинг стелс-қирувчи самолётлари илҳомлантирган. Бильярд столи жамланмасидан стол тенниси ўйнашда қўл келадиган металл ромга ўрнатилган тўр, эксклюзив шарлар тўплами ва иккита кий ўрин олган.
Таъкидланишича, столнинг барча ортиқча қисмларини ечиб олиб, спорт инвентарини оддий тушлик столига айлантириш мумкин. Мазкур бильярд столининг нархи 250 минг долларга тенг. Бироқ уни сотиб олиш осон эмас. Биринчидан, стол беш нусхада яратилган; иккинчидан, уни харид қилиш учун Rolls-Royce автомобилига ҳам эга бўлиш керак.
Мавзуга доир: Rolls-Royce учар таксилар бозорига чиқади
Изоҳ (0)