Буюк Британияда яшовчи эркак Крис Ҳопкинс саккиз йилдан бери эгалик қиладиган боғидан антиквар мотоцикл топиб олди. Бу ҳақда LADBible хабар берди.
51 ёшли британияликнинг сўзларига кўра, у икки қизи Наташа ва Скарлетт билан боғда тошлар ва ўсимликлардан «горка» ясаётган эди. Бунинг учун эркакка тупроқ керак эди. Ҳопкинс ерни қазаётган вақтда ғилдиракка дуч келади.
Шунда эркак болалар велосипедини топдим, деб ўйлайди. Кейин эса яна бироз ковлаб, ер остида «Пуч» маркали мотоцикл борлигини кўради.
«Фикримча, мотоцикл 1960 йилларнинг охири, 1970 йилларнинг бошларида ишлаб чиқарилган», — дейди Ҳопкинс.
Мотоциклнинг нима сабабдан кўмилганини аниқлаш мақсадида Ҳопкинс қўшниларини сўроққа тутди. Бироқ улардан ҳеч бири уйнинг аввалги эгасида бундай мотоциклни кўрмаганини айтган.
Ҳопкинснинг фикрича, мотоцикл ўғирланган. Ўғрилар мотоциклни унинг боғига олиб келиб яширган, кейин эса уни эсдан чиқарган.
Мавзуга доир: Томорқага 50 йил олдин кўмилган Ford’нинг сири очилди
Изоҳ (0)