Toyota қайта ишланган Crown моделини иккита чекланган версияда намойиш этди. Мазкур янгилик моделнинг 65 йиллик юбилейи муносабати билан яратилган, деб хабар беради Yahoo.
Янгиланган Crown япон бозорида сотувга чиқади. Унга Apple CarPlay ҳамда Android Avto’ни қўллаб-қувватловчи мультимедиа тизими ўрнатилади.
Чекланган версиясидаги RS Limited ва RS Four Limited автомобилларга 18 дюймли ғилдирак дискалари ўрнатилган бўлиб, олд ўриндиқлари спорт услубида яратилган. Уларга кўринмас зоналарни мониторинг қилиш тизими ҳамда орқага ҳаракатланганда автоматик равишда тормозланиш функцияси ўрнатилади.
S Elegance Style II ва S Elegance Style II салонлари ичига ёғоч элементлари ва алкантара материали билан ишлов берилган.
Toyota Crown’га 245 от кучига эга 2,0 литрли турбомотор ўрнатилади. Шунингдек, 226 ёки 359 от кучига эга мос равишда 2,5 ёки 3,5 литрли атмосфера базасидаги гибрид моторлар ҳам тақдим этилади.
Изоҳ (0)