Хитойда ўтган бир сутка ичида коронавирус билан касалланиш бўйича яна 11 та ҳолат аниқланди, 48 киши тузалди, вафот этганлар қайд этилмади. Бу ҳақда Хитой Соғлиқни сақлаш миллий комиссияси маълумотларига таяниб, «РИА Новости» хабар берди.
Таъкидланишича, 11 ҳолатнинг бештаси четдан кириб келганларда аниқланган. Бутун мамлакат бўйлаб коронавирус инфекциясини четдан олиб кириш бўйича қайд этилган ҳолатлар жами 1634 тага етди. Ҳозирда 694 бемор даволанмоқда, улардан 22 нафарининг аҳволи оғир.
Коронавирус пандемияси бошланганидан буён мамлакатда 82 827 кишида вирусни юқтириб олган бўлиб, уларнинг 77 394 нафари даволанишга муваффақ бўлган. 4632 нафар бемор COVID-19 қурбонига айланган.
Мавзуга доир: Хитой ЖССТга қўшимча 30 млн доллар ажратади
Ўтган бир сутка ичида 82 нафар бемор даволанишга муваффақ бўлган бўлса, 2 бемор вафот этган.
Қайд этилишича, мамлакатда янги касалланишлар сонининг камайиши сабабли ҳукумат ижтимоий масофаланиш режимини енгиллаштирилган шаклда 5 майгача узайтирди. Истироҳат боғлари ва дам олиш масканлари қайта очиладиган бўлди. Спорт, диний ва кўнгилочар муассасаларга ўз фаолиятини чекланган ҳолда давом эттиришга рухсат берилади.
Шу билан бирга, фуқаролардан ҳали ҳам гавжум жойларга бормаслик, уйдан заруратсиз чиқмаслик ва барча профилактик тадбирларга риоя қилиш талаб қилинмоқда.
Изоҳ (0)