Бразилиялик экологлар Рио-де-Жанейро ўрмонларида юз йиллик давомида илк марта Жанубий Америка тапири дунёга келганини қайд этди, деб хабар берди Esquire.
2016 йилда Рио-де-Жанейро университети профессори Фернандо Фернандес тапирлар кўпайишини қайта тиклаш бўйича лойиҳани ишга туширди. У лойиҳа доирасида уч-тўрт йил давомида маҳаллий қўриқхонада ўн жуфт тапирни кўпайтиришни таклиф қилди.
Риода ушбу жониворлар 1914 йилдан бери йўқолиб кетаётган эди. Браконьерлар уларни териси ва гўшти учун овлаган.
Мутахассисларнинг баҳоларига кўра, ўрмонда кўриниш берган тапир боласи уч ойлик. Унинг онаси Ева 2017 йилда ёввойи табиатга қайтарилган биринчи урғочи тапир ҳисобланади.
Мутахассисларнинг тахмин қилишича, Флора лақабли яна бир тапир ҳам яқин орада кўпаяди.
Қайд этилишича, тапирлар ўрмонлар экотизими учун жуда муҳим ҳисобланади. Уларни «ўрмоннинг боғбонлари» деб ҳам аташади.
https://twitter.com/i/status/1241426913836576768
Изоҳ (0)