Коронавирусга чалинган ва вафот этаётганлар сони бўйича АҚШ дунёда биринчи ўринни эгаллаб турибди. Бироқ Флорида штати маъмурияти 18 апрелдан зарур хавфсизлик қоидаларига риоя этиб ишлаш шарти билан ҳудуддаги пляжларни очди, деб ёзади Esquire.
Пляжларнинг иш вақти эрталабки (06:00 дан 11:00 гача) ва кечки (17:00 дан 20:00 гача) вақтга ажратилди.
Бу ерда пиёда юриш, велосипед учиш, югуриш, балиқ тутиш, уй ҳайвонларини сайр қилдириш, сузиш ва серфинг билан шуғулланишга рухсат берилди.
Барча ташриф буюрувчилардан ижтимоий масофа сақлаш сўралмоқда. Шунингдек, 50 кишидан кўпроқ одам тўпланиши тақиқланган.
Пляжлар очилиши билан денгиз бўйига жуда кўп одам тўпланган. Ҳамма ҳам ижтимоий масофаланиш қоидаларига риоя этмаган.
Аксарият америкаликларни бу аҳвол ҳайратга солди ва ҳатто ижтимоий тармоқларда #FloridaMorons (Флоридалик аҳмоқлар) деган хештег пайдо бўлди.
https://twitter.com/Freeyourmindkid/status/1251529375922651137
Адвокат Даниэль Ульфельдер ушбу муаммонинг креатив ечимини таклиф қилди. У ҳар куни пляжга ўлим кийимида бориб, одамларни уларнинг ўзларининг хавфсизлиги учун қўрқитишга қарор қилди. Махсус костюмга аллақачон буюртма берилди.
«Кўпчилик мендан Флорида пляжларида ўлим кийимида сайр қилишни хоҳлаш хоҳламаслигим ҳақида сўради, албатта, ҳа. 1 майдан Флоридада шундай қилишни бошлаймиз».
Ижтимоий тармоқларда кўпчилик Даниэлни қўллаб-қувватлаб, яна бир неча қизиқарли ғояларни таклиф этган.
«Яна вабо шифокори костюмида ҳам бориш мумкин».
https://twitter.com/alt_ramsey/status/1252804155296473088
Айтганча, Ульфельдер ушбу ғояни Янги Зеландия ҳукуматидан олган. Ушбу давлатда мамлакат ҳукумати сувдан хавфсиз фойдаланиш малакасини шакллантириш учун пляжларга ўлим кийимида келувчи махсус актёрларни ёллаган.
Изоҳ (0)