Гватемаладаги Тикаль миллий боғига ягуарлар қайтиб келди. Уларнинг сурати Гватемала Тоифаланган ҳудудларни қўриқлаш миллий кенгаши ва Тикаль боғи маъмурияти томонидан эълон қилинди, деб хабар беради Publi News.
Боғ ходимларининг таъкидлашича, ушбу йиртқичлар узоқ вақт бу ҳудудларда бўлмаган ва тахминларга кўра, улар коронавирус пандемияси оқибатида одамлар келмай қўйгани сабаб пайдо бўла бошлаган.
«Биз жунглида аввал одамлар сабаб бу ерларда бўлмаган ҳайвонларга дуч келмоқдамиз», — дейди Гватемала президенти Алехандро Жамматтеи.
https://www.instagram.com/p/B_SqfcyggTn/?utm_source=ig_embed
1973 йилда ягуар халқаро Қизил китобга киритилган. Ҳозирда мазкур йиртқич тури Лотин Америкасидаги кўплаб давлатларда деярли учрамайди.
Қадимий ҳиндулар шаҳри шарафига номланган Тикаль миллий боғи Эль-Петен провинциясида жойлашган. Унга 1955 йилда майялар архитектураси ва ўрмонларнинг тропик экотизимини сақлаб қолиш мақсадида асос солинган.
Таъкидлаш керакки, кўплаб одамлар карантинда бўлганлиги сабаб ҳайвонлар олдинлари боришга қўрққан жойларига келишни бошлаган. Масалан, Аргентинадаги Мар-дель-Плата курорт шаҳри кўчаларида денгиз арслонлари пайдо бўлган бўлса, пингвинлар бўшаб қолган Кейптаун кўчаларини ўзлариники қилиб олган.
Мавзуга доир:
Изоҳ (0)