Twitter’да балкондан кўчадаги болаларга қараб ғамга ботаётган Big Poppa лақабли бульдогнинг сурати оммалашди, деб ёзади TJournal.
Ижтимоий тармоқ фойдаланувчилари уни карантиндан чарчаганлик рамзи, деб эълон қилди ҳамда кучукча яна дўстлари билан ўйнай олиши учун коронавирусга қарши дори ўйлаб топишга чақирди.
https://twitter.com/RaeElle/statuses/1252771823864995841
«Big Poppa бугун жуда ғамгин. Ўйлашимча, у аввал бирга ўйнаган қўшни болаларни соғиняпти. У ҳозир болаларга балкондан қараб ўтирибди»
https://twitter.com/RaeElle/statuses/1253001040905015297
«Poppa’га янги тўшак олиб бергандим. Бироз кичигини олиб қўйибман»
https://twitter.com/RaeElle/statuses/1253141592678039558
«У ишимни тугатишимни кутяпти. Ҳар кеча шу аҳвол!»
Кучук эгаси 38 ёшли либослар бўйича рассом Раньше Эллиснинг айтишича, кучукча карантинни жуда ёмон ўтказяпти. У кун бўйи балконга чиқиб, одамларга қараб ўтиради. Кўп ухлайди, секин ҳаракатланади. Бульдог аввалгидек қувноқ эмас.
«У фақат мен билан ўйнашдан чарчади, шекилли» — дейди Эллис.
Авваллари Эллис бульдогни суратга олиш жараёнларига бирга олиб кетарди. Актёрлар уни яхши кўриб, силарди. Бироқ итнинг севимли машғулоти — қўшни болалар билан ўйнаш.
«У болаларни жуда яхши кўради, кейин итлар ва катталарни, айнан шу тартибда», — дейди Big Poppa’нинг эгаси.
Эллиснинг айтишича, бир куни у Poppa балкондан ҳовлида ўйнаётган ака-укага қараб ўтирганини кўриб қолган. «У қандайдир овозлар чиқариб, болаларнинг эътиборини тортишга уринди. Лекин биз олтинчи қаватда яшаймиз. Болалар Poppa’нинг овозини эшитмади. Унинг ғамгинлигини кўриб, расмга олишга қарор қилдим», — дейди Эллис.
Twitter фойдаланувчилари Poppa’ни шу қадар севиб қолдики, айримлар унинг учун ўлишга тайёрлигини билдирди.
https://twitter.com/Maisie_Williams/statuses/1253027014602301442
Актриса Мэйси Уильямс: «Драматик бўлишни истамайман, лекин Poppa’га жонимни берардим»
https://twitter.com/ohmygil/statuses/1253090922952187905
«Poppa’ни таниганимга ярим дақиқа бўлди, лекин унга нимадир бўлса, мана шу хонадаги ҳаммани, кейин ўзимни ўлдираман»
https://twitter.com/smellanagle/statuses/1253043727767134210
«Мен Big Poppa’га шу қадар ўрганиб қолдимки, бу менинг жиддий муносабат қуришимга халақит беряпти»
Бошқалар ғамгин итнинг суратини кўриб йиғлаб юборганини ёзган.
https://twitter.com/barkbox/statuses/1253027105513836544
«Мен йиғлаяпман, чунки мен ҳеч қачон кўрмаган ит ғам чекмоқда»
https://twitter.com/Shinybiscuit/statuses/1253060412125458432
«Ҳазиллашмаяпман, лекин бу расмни ўз тасмамда кўрганимдан кейин йиғлаб юбордим. Big Poppa, дунё сен билан шундай йўл тутганидан афсусдаман»
https://twitter.com/girlsreallyrule/statuses/1253004975078334464
Яна бировлар Big Poppa’нинг муаммоларига бутун дунё айбдор эканини билдирган.
https://twitter.com/jpbrammer/statuses/1252982244693757953
«Биз Big Poppa учун бунинг ҳаммасини енгиб ўтишимиз керак». «Big Poppa’га озор берган дунёни кўришга кўзим йўқ».
Фойдаланувчилар бошқалардан бульдог тезроқ болалар билан ўйнай олиши учун ижтимоий масофа сақлашни талаб қилди.
https://twitter.com/TheEllenShow/statuses/1253038002839760896
«Big Poppa учун уйда қолинг»
https://twitter.com/adamcbest/statuses/1252992937379672065
«Илтимос, биз буни енгиб ўтиб, Big Poppa яна дўстлари билан ўйнай олиши учун ижтимой масофа сақланг»
https://twitter.com/Total_Bummer/statuses/1252986935351615488
«Агар карантинни бузаётган бўлсангиз, Big Poppa’ни янада ғамгин қилган бўласиз»
https://twitter.com/Glees98/statuses/1253032971860312068
«Умид қиламанки, карантинни бузаётганингизда Big Poppa билан нима қилаётганингиз ҳақида ўйлайсиз»
https://twitter.com/SaysSarcastic/statuses/1252992831947509760
«Бу ерда эрталабки қаҳвам билан ўтириб, Big Poppa’га қаердан дўст топа олишимиз мумкинлиги ҳақида ўйлаяпман»
https://twitter.com/PabloEscobarner/statuses/1252953522108272640
«Коронавирус бўйича афзалликларим Big Poppa’га нима яхши бўлиши билан ўрин алмашди»
Бульдог туфайли коронавирусга қарши дорини ҳам излай бошлашди.
https://twitter.com/PTNetherton/statuses/1252997027035832324
«Кимдир унинг расмини вирусга кўрсатсин. У Big Poppa’ни яна бахтли қилиш учун бу ердан ўзи кетади»
https://twitter.com/dog_rates/statuses/1252991739763318785
«Агар бу Big Poppa’ни яна хурсанд қилишга ёрдам берса, дорини ўзим топганим бўлсин»
https://twitter.com/AyeTeach/statuses/1252950728907374592
«Менинг кучукчам ҳам ўзини худди шундай ҳис этмоқда»
https://twitter.com/uhhhitmiguel/statuses/1252982799784697857
«Мен бошланғич мактаб рўпарасида тураман. Пандемия туфайли у ёпилганидан буён итим болалар билан ўйнашни соғиняпти»
https://twitter.com/LeslieMac/statuses/1253001617999384576
Бэйли: «Салом дўстим, мен буларнинг барчасига кундузги уйқу ва қучоқлашишлар туфайли бардош беряпман»
https://twitter.com/Rodfather84/statuses/1252970914335113217
«Эй Худойим, у идеалнинг ўзгинаси! Картошка ҳам дўстларини соғиняпти»
https://twitter.com/SkipTrollington/statuses/1252840801480003586
«Менинг бульдогим ҳам бироз зерикяпти. Бироқ карантин қучоқлари билан роҳатланмоқда»
Эллис итининг расмига бундай реакциядан ҳайратда эканлигини ва бунинг тахминий сабаби нимада эканлигини ёзиб қолдирган.
«Ўйлашимча, одамлар бу расмга қараганида ит нимани ҳис этаётганини яхши тушунади. Биз аввал қилган ишларимизни қила олмаяпмиз, дўстларимиз билан учраша олмаяпмиз. Бизнинг ички ҳиссиётларимиз ёқимтой бульдогда ўз аксини топди. Сиз оламни фақат унинг учун эмас, балки ўзингиз учун ҳам ўзгартирмоқчисиз. Чунки биз ҳаммамиз шундай вазиятдамиз», — деб ёзади Эллис.
Изоҳ (0)