Қозоғистонда коронавирус билан касалланганлар сони 2482 кишига, вирус қурбонлари эса 25 кишига етди

Қозоғистонда 25 апрель ҳолатига кўра, коронавирус билан касалланиш бўйича яна 66 та ҳолат қайд этилиб, касалликка чалинганларнинг жами сони 2482 кишига етди, деб хабар беради Tengrinews.

Мамлакатда COVID-19 коронавирус инфекцияси тарқалиши бошланганидан буён 25 киши вирус қурбонига айланган, шунингдек, 604 бемор даволанишга муваффақ бўлган. COVID-19 билан касалланиш бўйича сўнгги ҳолатлар мамлакатнинг қуйидаги ҳудудларида қайд этилган:

• Жамбил вилояти — 2;
• Туркистон вилояти — 8;
• Атирау вилояти — 10;
• Костанай вилояти — 1;
• Павлодар вилояти — 12;
• Нур-Султон шаҳри — 8;
• Ғарбий Қозоғистон вилояти — 2;
• Чимкент шаҳри — 5;
• Қизилўрда вилояти — 6;
• Қарағанда вилояти — 3;
• Манғистов вилояти — 5;
• Олмаота шаҳри — 4 та ҳолат.