Қирғизистонда ўтган бир сутка ичида коронавирус билан касалланиш бўйича яна 9 та ҳолат қайд этилди. Бу ҳақда мамлакат Соғлиқни сақлаш вазирлигига таяниб, «Kloop.kg» хабар берди.
Маълумотларга кўра, Бишкек ва Ўш шаҳарларида — 4 нафардан, Чуй вилоятида — 1 кишида коронавирус аниқланган. Натижада мамлакатда COVID-19 билан касалланганларнинг жами сони 665 кишини ташкил этмоқда.
Таъкидланишича, ҳозирда стационарларда 312 бемор даволанмоқда, улардан 6 нафари жонлантириш бўлимида.
Мамлакатда пандемия бошланганидан буён 8 киши COVID-19 қурбонига айланди, жами 345 киши даволанишга муваффақ бўлган.
Аввалроқ Қирғизистонда коронавирус билан касалланганлар сони 612 кишига етгани ҳақида хабар берилганди.
Ўзбекистонда эса 25 апрель соат 10:00 ҳолатига кўра, коронавирус инфекциясини юқтириб олганлар сони 1836 нафарни ташкил этмоқда. Мамлакатда 15 мартдан буён коронавирусга чалинган беморларнинг саккиз нафари вафот этди, 621 нафари эса соғайиб, реабилитацияга олинган.
Изоҳ (0)