УЕФА ижроқўми клубларни Чемпионлар Лигаси ва Европа Лигасининг келаси мавсумида қатнашиш ҳуқуқидан маҳрум этувчи шартларга аниқлик киритди.
Коронавирус пандемияси сабаб жорий мавсум муддатидан аввал якунланадиган чемпионатларда Ервокубок иштирокчилари спорт тамойиллари асосида танланади. Яъни ўринлар лига тўхтаб қолган вақтдаги поғоналар бўйича тақсимланади. Уч ҳолатда УЕФА муддатидан аввал якунланган чемпионат клубини мусобақаларга қўйиш масаласини ўз тасарруфида қолдиради.
Агар чемпионат УЕФА қоидаларига зид равишда бекор қилинса, Еврокубокларга саралаш баҳслари шаффоф бўлмаган тақдирда ёки жамият бирор клубнинг чиқишини адолатсизлик дея баҳоласа — ташкилот жамоани Чемпионлар Лигаси ва Европа Лигасига қўймайди.
Аввалроқ УЕФА Европа миллий чемпионатларига мавсумни якунлаб қўйишни қатъий тавсия қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)