«Челси» клубининг собиқ сардори Жон Терри 2012/13 йилги мавсумда лондонликларни бошқарган Рафаэл Бенитес билан муносабати ҳақида гапирди.
«Ростини айтсам, қийин бўлган. Рафа келган пайтда у билан ишлашни сабрсизлик билан кутгандим. Мухлислар уни қабул қила олмади ва илк кунданоқ унинг истеъфосини истади.
У «Челси»да етарлича муваффақият қозонди дейиш мумкин, биз Ервопа Лигасида ғолиб чиққандик. Бироқ шахсан ўзим ўсишни ва бирор нима ўрганишни хоҳлардим. Ҳар бир ўйинчига имконият бериш керак, бу имкониятдан фойдалана олиш ўзига боғлиқ, бироқ биз биринчи кунданоқ чиқиша олмадик.
Бенитес ҳар мажлисда шуни қайтарарди: «Биз «Ливерпуль»да бундай қилардик». У билан учрашишим ва шундай дейишим керак эди: «Мураббий, сиз «Ливерпуль»ни унутишингиз керак, бундай деявериш ярамайди. Ҳозир «Челси»дасиз, йигитларга бу ёқмайди».
Бенитес келган вақтда жароҳат олгандим, ростини айтсам, менга осон бўлмаганди. Жароҳат сабаб олти ҳафтага сафдан чиқдим, кейинчалик қайтдим, бир нечта ўйин ўтказдим, «Фулҳэм»га сафарда иккита гол урдим. Аммо кейинги ўйинда таркибдан жой олмадим. Буларнинг ҳаммаси аста-секин йиғилиб борарди», — дейди Терри.
Жон Терри 1998—2017 йиллар мобайнида лондонликлар жамоасида ҳаракат қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)