«Манчестер Сити» клуби ва Бельгия терма жамоаси ярим ҳимоячиси Кевин де Брюйне ўз ўйини ҳақида фикр билдирди.
«Формам борасида бирор нима дейишим қийин, бироқ ҳозирда ожиз нуқтам йўқ. Ўйиннинг ҳар бир лаҳзасида ўзимни қулай ҳис қиламан. «Вольфсбург»да ақл бовар қилмас даражада яхши эдим, бироқ сўнгги уч мавсумда формамда пасайишлар бўлди. Ҳозирда барқарор ўйин кўрсатаётганимдан мамнунман. Мавсумнинг илк баҳси — «Вест Ҳэм»га қарши учрашувдан «Реал» билан баҳсгача жуда яхши ўйин намойиш қилдим.
Кўплаб футболчилар ўйинидан завқ оламан, бироқ мен учун муҳими ўзимни ноёблигимни англаш. Ўйлашимча, менинг ўйин услубим ноёб. Ярим ҳимоячида ожиз нуқта бўлиши керак эмас. Футбол ривожланмоқда, ҳам ҳужумда, ҳам ҳимояда ҳаракат қилишга улгуриш учун тер тўкиб ишлашга тўғри келяпти», — дейди де Брюйне.
Де Брюйне Англия Премьер Лигаси жорий мавсумида 26 ўтказиб, 8 гол ва 17 та самарали узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)