Франциянинг «Монпелье» клуби ярим ҳимоячиси Жуниор Самбиа коронавирус инфекцияси аломатлари сабаб жонлантириш бўлимига тушиб қолди, дея хабар қилмоқда L’Equipe.
23 ёшли футболчи нафас олиш ва овқат ҳазм қилишдаги муаммолар сабаб ушбу ҳафтада шифохонага тушиб қолган. 23 апрель куни футболчи жонлантириш бўлимига олинган.
«Монпелье» аввалига бу борада ҳеч қандай шарҳ бермаган. Бироқ ўйинчи реанимацияга тушиб қолганидан кейин расмий сайтда футболчининг исмини ошкор қилмаган ҳолда баёнот берган.
Жорий мавсум Самбиа «Монпелье»нинг 22 ўйинида майдонга тушиб, биттадан гол ва самарали узатмага муаллиф бўлган.
24 апрель ҳолатига кўра, Францияда коронавирусга чалинганлар сони 161 мингдан ошди. 22 минг нафарга яқин киши вафот этган бўлса, 42 минг нафари инфекцияни енгиб ўтган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)