Марказий ҳарбий округ тасарруфидаги Жиззах, Навоий ва Самарқанд гарнизонларида хизмат қилаётган ҳарбий хизматчилар ихтиёрий равишда коронавирус инфекцияси билан касалланган беморларни даволаш учун жами 515 миллион 390 минг сўм миқдоридаги маблағни хайрия қилди. Бу ҳақда «Дарё»га ҳарбий журналист Ғайрат Мадраҳимов маълум қилди.
Дастлаб ҳарбий хизматчилар Соғлиқни сақлаш вазирлиги ҳузурида «Меҳр-шафқат ва саломатлик» фонди ташкил этилгани, унга тушган маблағлар мақсадли равишда хавфли касаллик тарқалишининг олдини олиш ва даволаш профилактикаси учун сарфланиши ҳақида хабар топган. Шундан сўнг округ қўшинлари таркибидаги бўлинмалар, ҳарбий қисмларда, назорат ўтиш жойларида кўнгилли ҳарбийлар томонидан хайрия қутилари ўрнатилган.
Бир ҳафта ичида хайрия қутисига келиб тушган маблағлар «Меҳр-шафқат ва саломатлик» жамоат фондига ўтказиб берилган. Марказий ҳарбий округ ҳарбий хизматчилари бу каби хайрли ва савобли ишларда фаоллик кўрсатишда давом этади, дейилган хабарда.
Мавзуга доир:
- Бош прокуратура ходимлари ўз маошларининг яна бир қисмини коронавирус инфекциясига қарши курашга хайрия қилди
- Зироат Мирзиёева раислигидаги фонднинг фаолияти 5 минг аёлга моддий ёрдам беришдан бошланди
- «Хавфсиз ёрдам» лойиҳаси доирасида Ўзбекистондаги ижтимоий ҳимояга муҳтож минг нафар аёлга 1 млн сўмдан ўтказиб берилади
- Ўзбекистонда коронавирусга қарши кураш учун ташкил этилган жамғармага 50 млрд сўмдан ортиқ маблағ ўтказилди
Изоҳ (0)