Хитой Соғлиқни сақлаш миллий комиссияси маълумотларига кўра, мамлакатда коронавирусга чалинганларнинг 93 фоиздан ортиғи тузалди, касалхоналарда минг кишидан камроқ бемор даволанишда давом этмоқда.
Умумий ҳисобда Хитойда 83 876 киши коронавирусга чалингани қайд этилган. Шундан 77 911 киши тузалган, 4 636 нафари вафот этган.
Сўнгги бир сутка давомида Хитойда 10 кишида коронавирус аниқланди. Улардан 6 нафари четдан юқтирилган. Шунингдек, 56 нафар бемор касалхонадан чиққан, вафот этганлар қайд этилмаган.
Аввал ҳам Хитойда коронавирусга чалинишлар сони камайгани ҳақида хабар берилган эди. 21 апрелда 11 та, 20 апрелда 12 та, 19 апрелда эса касалланганлар сони бўйича февралдан буён энг паст кўрсаткич — 8 та ҳолат қайд этилганди.
Изоҳ (0)