Салоҳ, Мане, Фирмино. «Ливерпуль»нинг 2018/19 йилги мавсумдаги энг чиройли голлари (видео)

«Дарё» футбол мухлисларининг талаб ва таклифларини инобатга олган ҳолда турли мусобақаларда урилган энг сара голларни тақдим этиб келмоқда. Ушбу лойиҳанинг навбатдаги сонида «Ливерпуль» клубининг 2018/19 йилги мавсумдаги энг чиройли голлари тақдим этилади. Голлар рейтинги «Ливерпуль» матбуот хизмати талқинига кўра тузиб чиқилган.

10-ўрин. Муҳаммад Салоҳ | «Борнмут»—«Ливерпуль» 0:4

Салоҳ учрашувда жамоасининг тўртинчи, ўзининг эса учинчи голини шу тарзда киритади ва жамоасининг йирик ғалабасини таъминлайди.

9-ўрин. Роберто Фирмино | «Манчестер Сити»—«Ливерпуль» 2:1

Фирмино 64-дақиқада ушбу голи билан ҳисобни тенглаштиришга муваффақ бўлади. Бироқ «шаҳарликлар» яна бир марта дарвозани ишғол қилган ҳолда ғалабани илиб кетади. Кейинчалик «Сити»ни тўхтатиб бўлмайди ва Пеп Гвардиола шогирдлари чемпионликни қўлга киритади.

8-ўрин. Жоржиньо Вейналдум | «Ливерпуль»—«Борнмут» 3:0

Робертсоннинг заргарона узатмасидан сўнг Жоржиньо тўпни дарвозабон устидан оширган ҳолда дарвозага жойлаб қўяди.

7-ўрин. Роберто Фирмино | «Ливерпуль»—«Арсенал» 5:1

Дастлаб ўз даврозасидан тўп олиб чиққан мерсисайдликлар кейинчалик бунга бешта гол билан жавоб қилади. Фирмино «Арсенал» ҳимоясини ёриб ўтган ҳолда голларидан бирини уради. Учрашувда бразилиялик футболчи ҳет-трик қайд этади.

6-ўрин. Садио Мане | «Ливерпуль»—«Уотфорд» 5:0

Мане дастлаб тўпни тўхтатишда хатога йўл қўяди, бироқ бу хатосини шедевр гол билан ювади ва учрашувдаги дублини нишонлайди.

5-ўрин. Дивок Ориги | «Ливерпуль»—«Барселона» 4:0

Чемпионлар Лигаси ярим финал илк баҳсида «Ливерпуль» меҳмонда 0:3 ҳисобида мағлуб бўлгани етмаганидек, жавоб учрашувида Фирмино ва Салоҳ хизматидан фойдалана олмайди. Бироқ Ориги уларнинг йўқлигини билдирмайди. «Барселона» 79-дақиқада ҳимояда жуда қўпол хатога йўл қўяди ва Дивок жамоасини финалга олиб чиққан гол муаллифига айланади.

4-ўрин. Дэниэл Старриж | «Челси»—«Ливерпуль» 1:1

Учрашувнинг 86-дақиқасида захирадан майдонга тушган Дениел орадан уч дақиқа ўтиб «қизиллар»га бир очко тақдим этган гол муаллифига айланади.

3-ўрин. Садио Мане | «Бавария»—«Ливерпуль» 1:3

Чемпионлар Лигаси 1/8 финали доирасидаги қарама-қаршиликда 115 дақиқалик нурсиз ўйиндан сўнг (илк баҳсда 0:0 ҳисоби қайд этилади) Мане Мануэль Нойернинг хатосини шу тарзда жазолайди.

2-ўрин. Дивок Ориги | «Тоттенҳэм»—«Ливерпуль» 0:2

Чемпионлар Лигаси финалида Ориги учрашувнинг 87-дақиқасида баҳс тақдирини ҳал қилиб қўяди.

1-ўрин. Муҳаммад Салоҳ | «Ливерпуль»—«Челси» 2:0

Салоҳ узоқ масофадан мукаммал зарба йўллаган ҳолда Кепа Аррисабалагани доғда қолдиради ва мавсумнинг энг чиройли голига муаллиф бўлади.