«Ливерпуль» ва «Манчестер Юнайтед» клублари короанвирусга қарши курашаётган Буюк Британия соғлиқни сақлаш миллий бошқармаси (NHS) ва тиббиёт ходимларини қўллаб-қувватлади.
«Энфилд» майдонига юрак сурати, бошқарма қисқартмаси (NHS) ва YNWА ёзуви туширилди.
YNWА — «Ливерпуль» мадҳиясига айланиб қолган «You’ll Never Walk Alone» (Сен ҳеч қачон ёлғиз бўлмайсан) қўшиғи қисқартмаси.
«Олд Траффорд» ташқарисидаги «Манчестер Юнайтед» ёзуви эса «NHS United»га айлантирилди.
«Сиз NHS’сиз Манчестерга эга бўлмайсиз», — дейилади изоҳда.
Буюк Британияда коронавирус юқтириб олганлар сони 133 мингдан ошди. 18 мингдан зиёд киши вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)