«Интер» собиқ ҳужумчиси Альваро Рекоба «Барселона» форварди Лионель Месси ҳақида фикр билдириб ўтди.
— Месси ўз замонасининг энг яхши футболчисими?
— Ўйлашимча, у футбол тарихидаги энг зўри. Болалик пайтимда Диего Марадонанинг ўйинини кўрганман. У ақл бовар қилмас даражада эди, бироқ Мессининг ўйини — ўзига хос ҳодиса.
У жуда узоқ муддатдан бери яхши ўйин кўрсатяпти. Буни ҳозирча кўпчилик тушунмайди, бироқ аргентиналик фаолиятини якунлагандан сўнг барча англаб етади», — дейди уругвайлик собиқ футболчи.
Рекоба 1997—2008 йиллари «Интер»да тўп суради. «Эл Чино» лақаби билан машҳур бўлган футболчи миланликлар сафида 176 ўйинда қатнашиб, 53 та гол уришга эришади. Уругвай терма жамоасида эса 69 учрашув ўтказган ва 11 та гол муаллифига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)