Хитойнинг «Гуанчжоу Эвергранд» клуби янги стадион қуриш ишларини бошлаб юборди.
Аввал хабар берилганидек, стадион 100 минг томошабинга мўлжалланган бўлиб, қўшимча 168 та VIP ложага эга бўлади. Бу дунё бўйича фақат футбол учун мўлжалланган ареналар ичида энг каттаси бўлади.
Арена қурилишини бошлаш ишлари коронавирус пандемияси сабаб бироз чўзилди ва 16 апрель куни қурилиш ишларига расман старт берилди.
Янги стадион нилуфар гули шаклига эга бўлиб, ўзида Хитой анъаналари ва буддавийлик тарихини акс эттиради. Стадион фасади турли рангларга кира оладиган бўлади.
Лойиҳага тахминан 1,5 миллиард евро сарфланади, қурилиш ишлари эса 2022 йилда якунига етади.
Ҳозирда Хитойнинг саккиз карра чемпиони ушбу стадионда ўз ўйинларини ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)