Samsung компанияси мобил камералар сифатини янада юқори тиниқликка олиб чиқишда давом этмоқда, деб хабар беради Hi-Tech.Mail.ru.
Samsung смартфонлар бозорини мегапикселлар пойгасига айлантирмоқчи — барчаси 64 мегапикселли биринчи моделдан бошланган, ундан кейин 108 мегапикселли Мi Note 10 ҳамда Galaxy S20 Ultra моделлари пайдо бўлди. Twitter’даги машҳур Ice universe инсайдерининг маълум қилишича, компания 600 мегапикселли камерани яратиш ниятида.
Samsung нима сабабдан бу каби катта пикселли сенсорни тақдим этмоқчи бўлаётгани тушунарсиз. Инсайдернинг сўзларига кўра, ушбу модул инсон кўзининг имкониятларидан ҳам ўтиб кетади. Бу орқали у нима демоқчи эканлиги ҳам тушунарсиз.
Мегапикселлар сони матрицалар ўлчами ва бошқа техник тавсифларсиз ҳеч қандай аҳамият касб этмайди. Масалан, Galaxy S20 Ultra’га 108 мегапикселли камера ўрнатилган, бироқ матрицасининг физик ўлчамлари 50 мегапикселли Huawei P40 Pro’никидан ҳам кичкина. Бу камерага кўпроқ рангдан фойдаланиш ва мураккаб шароитларда ҳам яхши суратга олиш имконини беради.
Тахминларга кўра, 600 мегапикселли камера яқин ярим йил ичида пайдо бўлади. Ҳозирда Samsung 192 мегапикселли сенсор устида иш олиб бормоқда.
Эслатиб ўтамиз, 2019 йилда Xiaomi компанияси 108 мегапиксел камерали Мi Note 10 смартфонини тақдим этганди. Апрель ойининг бошларида эса Xiaomi 144 мегапикселли камерага эга смартфон яратиш устида иш бошлагани маълум бўлди.
Изоҳ (0)