20 апрель куни Ташқи меҳнат миграцияси агентлиги томонидан Россияда турли бахтсиз ҳодисалар оқибатида вафот этган 17 нафар фуқаронинг жасади Ўзбекистонга олиб келинди. Бу ҳақда агентлик матбуот хизмати хабар берди.
Маълумотларга кўра, вафот этганларнинг жасади Россия–Қозоғистон–Ўзбекистон йўналиши бўйича автомобиль транспорти орқали олиб келинди.
«Фуқароларнинг жасадлари Ўзбекистон Фавқулодда вазиятлар вазирлиги ҳамда Божхона қўмитаси ходимлари билан ҳамкорликда чегара постидан олиб ўтилиб, яшаш манзиллари бўйича жўнатилди», — дейилади маълумотда.
Таъкидланишича, Россияда вафот этганларнинг бирортаси ҳам коронавирус инфекциясига чалинмаган.
Аввалроқ Россияда 42 ўзбекистонлик коронавирусга чалингани ҳақида хабар берилганди.
Мавзуга доир: Москва мери коронавирус белгилари бор шахслар билан яшаётганларнинг кўчага чиқишига рухсат берди
Изоҳ (0)