АОКАда бўлиб ўтган брифингда Марказий банк департаменти директори ўринбосари Акмал Назаров фуқаролар пластик карталарини дезинфекция қилишда турли кимёвий воситалардан фойдаланмаслик лозимлигини таъкидлади.
Шунингдек, Назаров брифинг мобайнида банк пластик картаси яроқсиз ҳолга келмаслиги учун банк мижозлари кўпроқ нималарга аҳамият қаратиши зарурлигига ҳам тўхталиб ўтди.
Банк картасидан ҳар сафар фойдалангандан сўнг уни дeзинфекция қилиш жуда муҳимдир. Аммо ўткир кимёвий воситалар, масалан, ацетон, қурилишда ишлатиладиган турли воситалар ёки 96 фоизли спирт билан банк картасини тозаламаган маъқул.Чунки бундай воситалар карта устидаги рақам, амал қилиш муддати ва карта эгасининг фамилия, исми-шарифи билан боғлиқ реквизитларини ўчириб юбориши шубҳасиз. Шунингдек, банк карта микро чипининг куйиши ва натижада банк картаси яроқсиз ҳолга келиши ҳам мумкин.
Шу боис банк картасига шикаст етказмаслик учун дорихоналарда сотиладиган оддий антисептик воситалар ёрдамида дезинфекциялаш тавсия этилади.
Изоҳ (0)