AOKAda bo‘lib o‘tgan brifingda Markaziy bank departamenti direktori o‘rinbosari Akmal Nazarov fuqarolar plastik kartalarini dezinfeksiya qilishda turli kimyoviy vositalardan foydalanmaslik lozimligini ta’kidladi.
Shuningdek, Nazarov brifing mobaynida bank plastik kartasi yaroqsiz holga kelmasligi uchun bank mijozlari ko‘proq nimalarga ahamiyat qaratishi zarurligiga ham to‘xtalib o‘tdi.
Bank kartasidan har safar foydalangandan so‘ng uni dezinfeksiya qilish juda muhimdir. Ammo o‘tkir kimyoviy vositalar, masalan, atseton, qurilishda ishlatiladigan turli vositalar yoki 96 foizli spirt bilan bank kartasini tozalamagan ma’qul.Chunki bunday vositalar karta ustidagi raqam, amal qilish muddati va karta egasining familiya, ismi-sharifi bilan bog‘liq rekvizitlarini o‘chirib yuborishi shubhasiz. Shuningdek, bank karta mikro chipining kuyishi va natijada bank kartasi yaroqsiz holga kelishi ham mumkin.
Shu bois bank kartasiga shikast yetkazmaslik uchun dorixonalarda sotiladigan oddiy antiseptik vositalar yordamida dezinfeksiyalash tavsiya etiladi.
Izoh (0)