22 апрель Тошкент вақти билан соат 10:00 ҳолатига кўра, АҚШда коронавирус оқибатида вафот этганлар сони 45 063 кишига етди. Бу ҳақда Жонс Ҳопкинс университети маълумотларида келтирилган.
Касаллик қурбонларининг қарийб учдан бир қисми Нью-Йорк шаҳри ҳисобига тўғри келмоқда — 14 887 киши. Шаҳарга қўшни бўлган Нассо маъмурий округида COVID-19 оқибатида 1390 киши вафот этган. Қурбонлар сони бўйича учинчи ўринда Мичиган штатининг Уэйн шаҳри кетмоқда — 1278 киши.
Эслатиб ўтамиз, 20 апрель куни АҚШда бир сутка ичида 1433 киши коронавирус оқибатида вафот этган эди.
Сўнгги маълумотларга кўра, АҚШда коронавирус билан касалланганлар 825 минг кишидан ошиб кетди. Мамлакат COVID-19 билан касалланганлар сони бўйича дунёда биринчи ўринда кетмоқда. Бутун дунёда эса коронавирус билан касалланганлар 2,5 миллиондан ошди. АҚШ ортидан Испания 204 минг бемор билан ўрин олган бўлса, учинчи ўринда — Италия (қарийб 184 минг) жойлашган.
Мавзуга доир: ЖССТ вакили коронавирус билан боғлиқ ўлим ҳолатларининг ҳисоб-китоби қандай олиб борилаётганини тушунтирди
Изоҳ (0)