Американинг Индиана штатидаги ташландиқ гараждан 1960 йилда ишлаб чиқарилган Mercedes-Benz 300 SL топилди. 44 йил давомида ҳаракатсиз турган автомобиль 1,095 миллион долларга сотилмоқда, деб хабар беради Motor.
Ушбу автомобилнинг эгаси уни 1976 йилда сотиб олган, бироқ харидни амалга оширганидан кўп ўтмай гаражга жойлаштирган ва ўшандан буён машина юрмаган. 44 йиллик одометрга кўра, машина 23 429 километр йўл босган.
Мазкур родстер ишлаб чиқарилганида Mercedes конвейридан шу турдаги кузовли 249 нусха модель чиқарилган. Шу билан бирга, гараждан топилган нусха ноёб кул ранг-кўк рангга бўялган, салони ҳам кўк рангда. Машина эгаларидан бири уни кул рангга бўяшга, салонини эса қора мато билан ёпишга қарор қилган. Шу каби ўзгартиришлар бўлмаганида автомобиль нархи бундан ҳам қимматроқ бўлар эди.
Мавзуга доир:
Изоҳ (0)