Қашқадарёда Spark ва «ЗИЛ» тўқнашди. Spark ҳайдовчиси вафот этди

20 апрель, душанба куни, соат 21:45 ларда Қашқадарё вилояти Муборак тумани ҳудудида Spark ва «ЗИЛ ММЗ554» автомобиллари ўртасида тўқнашув юз берди.

Ички ишлар вазирлиги ЙҲХББ хабарига кўра, ҳодиса А380 Ғузор—Бухоро—Нукус—Бейнеу автомобиль йўлининг 121-километрида содир бўлган. 1988 йилда туғилган ҳайдовчи Ш.С. Spark русумли транспорт воситасини бошқариб кетаётиб, йўлнинг қарама-қарши бўлагига чиқиб кетган. Spark қаршисидан келаётган, 1979 йилда туғилган ҳайдовчи Д.Х. бошқарувида бўлган юк транспорт воситаси билан тўқнашиб кетган.

Spark ҳайдовчиси Ш.С. тан жароҳати олиб, воқеа жойида вафот этган.

Эслатиб ўтамиз, 16 апрель куни Хоразмда Nexia трактор тиркамасига «етиб олиши» оқибатида бир киши ҳалок бўлганди.