Свердлов вилоятида жойлашган Качканар тоғ-кон комбинати карьерида 130 тоннали «БелАЗ» ёқилғи қуйишга мўлжалланган «КамАЗ»ни босиб кетди, деб хабар беради Motor.
Суратларга кўра, авария «КамАЗ» карьер самосвалига ёқилғи қуйиб бўлганидан сўнг содир бўлган. Тахминларга кўра, «БелАЗ» ҳайдовчиси ёқиғи қуювчи машина ишини тугатди, деб ўйлаб эртароқ ҳаракатга келган.
Авария оқибатида ҳеч кимга жароҳат етмаган: «КамАЗ» ҳайдовчиси тўқнашувга бир неча сония қолганида кабинадан чиқишга улгуриб қолган. Бироқ «КамАЗ» кабинасини энди тиклаб бўлмайди.
Суратларга қараганда «КамАЗ» билан тўқнашувда «БелАЗ-75585» иштирок этган. Ушбу модель 1000 от кучига эга бўлиб, соатига 60 километр тезликда ҳаракатлана олади. Самосвалнинг баландлиги 5,34 метрга, эни эса 6,4 метрга тенг. Юк машинасининг оғирлиги 74 тоннани ташкил этади.
Изоҳ (0)