АОКА ҳузурида ташкил этилган штабдаги брифингда Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов Тошкентдаги хусусий меҳмонхоналарда ташкил қилинган карантин ҳудудларида кимлар сақланиши ҳақида маълумот берди.
Коронавирус инфекциясини юқтирганликда гумонланувчи шахсларни шаҳар ичидаги хусусий меҳмонхоналарга 14 кунлик карантинга жойлаштириш эпидемиологик ва ҳуқуқий жиҳатдан қанчалик оқилона ва қонунийлиги тўғрисида савол берилди.
Тошкент шаҳри ичкарисидаги хусусий меҳмонхоналарда ташкил қилинган карантин ҳудуди вирус юқтирганликда гумондорлар эмас, балки ишлашда давом этаётган ташкилот ва идора ходимлари учун. Улар учун алоҳида транспорт йўлга қўйилган. Меҳмонхона атрофи махсус қўриқланади ва бу жараён масофани сақланганда, қўшнилар учун хавф туғдирмайди.Ҳабибулла Оқилов, Коронавирусга қарши кураш штаби аъзоси
Мавзуга доир: Ўзбекистонда карантин тартиби 10 майга қадар узайтирилди
Изоҳ (0)