Россиянинг Санкт-Петербург шаҳрида коронавирусга чалинган беморларга ёрдам кўрсатиш вақтида инфекция юқтириб олган тиббиёт ходимлари 300 минг рубль (4000 доллар) миқдоридаги бир марталик товон пули олади. Бу ҳақда шаҳар маъмуриятининг тегишли қарорида маълум қилинган.
Агар коронавирус билан касалланиш оқибатида шифокорда ногиронлик юзага келса, унга 500 минг рубль (6600 доллар) миқдорида товон пули тўланади.
Санкт-Петербург касалланганлар сони бўйича Россияда Москва шаҳри ва Москва вилоятидан кейин учинчи ўринда турибди. 20 апрель ҳолатига кўра, шаҳарда коронавирусга чалинган 1846 нафар бемор қайд этилган, 8 киши касаллик қурбонига айланган, 241 киши тузалган.
Мавзуга доир: Вирусолог Россия июнь ойига бориб коронавирус устидан ғалабага эришиши мумкинлигини маълум қилди
Изоҳ (0)