Афғонистонда коронавирусга чалинган беморлар сони 1005 кишига етди. Бу ҳақда мамлакат Соғлиқни сақлаш вазирлигига таяниб, 1TV News телеканали хабар берди.
Маълум қилинишича, сўнгги тўққизта ҳолат мамлакатнинг Кунар, Лагман ва Нангарҳар вилоятларида қайд этилган.
Хабар берилишича, Афғонистонда коронавирус сабабли 31 киши вафот этган, касалликдан тузалган сони ҳам 31 кишини ташкил этмоқда.
Эслатиб ўтамиз, Афғонистон президенти Ашраф Ғани саройида ишловчи ходимларнинг камида 20 нафари коронавирусга чалинган, бунга зарарланган ҳужжат сабаб бўлган.
Аввалроқ «Толибон» ҳаракати коронавирусга қарши кураш бўйича Афғонистонда тарғибот ишларини олиб бораётгани, Афғонистонда коронавирус билан боғлиқ вазият 9 ой давом этиши мумкинлиги ҳақида хабарлар берилганди.
Изоҳ (0)