АҚШ президенти Дональд Трамп Эронга коронавирусга қарши кураш йўлида Америкадан ёрдам сўрашни маслаҳат бериб, сунъий нафас олдириш аппаратларини етказиб беришга тайёр эканлигини билдирди. Эрон Ташқи ишлар вазирлиги шу ондаёқ жавоб қайтариб, Американинг маслаҳатларига муҳтож эмасликларини маълум қилди.
Оқ уйда ўтказилган матбуот анжумани вақтида Дональд Трамп ўпкани сунъий нафас олдириш аппаратларини етказиб бериш бўйича еттита давлат етакчилари, хусусан, Мексика билан муҳокама қилгани ҳақида сўзлади. Трамп Эрон агарда ёрдам сўраса, ёрдам беришга тайёрлигини қўшимча қилган.
«Агарда бу борада Эронга ёрдам керак бўлса, мен бирор нима қилишга тайёрман, улар буни хоҳласа, сўраса, албатта», — дейди Трамп.
Америка етакчисининг сўзларига кўра, Эрон коронавирусдан жиддий жабр кўрган ва қурбонлар борасида расман эълон қилинган рақамлар «табиийки… тўғри бўлмаган».
Трампнинг ушбу сўзларига Эрон ташқи ишлар вазири Муҳаммад Жавод Зариф Twitter орқали жавоб қайтарди: «Бир неча ойдан кейин Эрон ўпкани сунъий нафас олдириш аппаратларини экспорт қила бошлайди». «Сиздан талаб қилинадиган ягона нарса, бошқа халқларнинг ишларига аралашмаслик, айниқса, менинг. Ва менга ишонишингиз мумкин, бизга бирорта америкалик сиёсатчининг маслаҳати керак эмас», — деб ёзади Зариф.
Мавзуга доир:
Изоҳ (0)