Оҳангарондаги вақтинчалик карантин постларининг бирида Cobalt’да ички ишлар ходими кийимида бўлган ҳайдовчи ЙПХ инспекторлари билан суҳбатда подполковник унвони борлигини айтиб, уларни алдаб ҳаракатни давом эттиришга уринди. Бу ҳақда Тошкент вилояти ИИББ ахборот хизмати хабар қилган.
Ҳайдовчи аввалига подполковник унвони борлиги, ўзи аввал ИИВ тизимида ишлагани ҳақида гапириб, ЙПХ ходимларини алдашга уринган, кейинроқ уст кийимини машинасига ечиб қўйиб, қўриқлаш хизматини кўрсатаётган хусусий фирмада ишлашини важ қилиб, бошқа йўл билан ҳуқуқ-тартибот вакилларини ишонтиришга ҳаракат қилган.
Хабарга кўра, фуқаро ички ишлар бўлимига олиб борилганида, унинг қўриқлаш хизматларини кўрсатувчи МЧЖда фаолият юритиши маълум бўлган. Cobalt’дан эса ИИВ ходимларининг какардаси тақилган дала бош кийими, PR-73 русумли резина таёқ ва унинг ғилофи, қўлбола усулда ясалган нючаки уриш мосламалари ашёвий далил сифатида расмийлаштириб олинган.
Бўлимдаги суҳбат давомида ҳайдовчи ўзи ЙПХ ходимларига кўрсатган гувоҳномасида «подполковник» унвони борлиги ҳақида ёзилганлигидан бехабар бўлган, қўриқлаш хизмати формасини эса яқин кунларда бошқачароқ шаклда қайта тикилишини билдирган.
Оҳангарон шаҳар ички ишлар бўлими ҳузуридаги тергов бўлинмаси томонидан мазкур ҳолат юзасидан суриштирув ишлари олиб борилмоқда.
Мавзуга доир:
Аввалроқ Наманганда ички ишлар ходимининг погони ва кўкрак нишонини юлиб отган депутатга жиноят иши қўзғатилгани, Captiva’да ўйинчоқ автоматини мақтанган Лондонда таҳлис олувчи 20 ёшли йигитнинг кечирим сўрагани, Тошкентда карантин вақтида ЙПХ инспекторига бўйсунмаган Captiva ҳайдовчиси дарахтга бориб урилгани, Самарқандда ўқотар қуроли билан мақтанган фуқаронинг 12 суткага қамалгани ҳамда Бухорода транспортдан фойдаланиш ҳуқуқини берувчи махсус рухсатномани қалбакилаштирган ҳайдовчига жиноят иши қўзғатилгани ҳақида хабарлар берилган.
Изоҳ (0)