Аввал хабар берганимиздек, 19 апрель, якшанба куни, АОКА штабида ички ишлар вазири матбуот котиби Шоҳрух Ғиёсов иштирокида бўлиб ўтган брифингда муҳим савол ва мурожаатлар юзасидан тегишли изоҳ ва жавоблар берилди.
Жумладан, матбуот котиби тиббиёт муассасасига бориш билан боғлиқ берилган саволларга жавоб қайтарар экан, сурункали касаллиги бор беморлар стикерсиз шахсий автомобиль ёки бошқа транспортда ҳаракатланганда шифокорнинг йўлланмаси ёки маълумотномаси бўлиши лозимлигини айтди. Ҳуқуқ-тартибот ходимлари сўраганда айнан ушбу ҳужжатлар тақдим этилиши керак.
Мавзуга доир: Стикерсиз ҳаракатланиши мумкин бўлган автотранспорт ҳайдовчиларининг қандай ҳужжатлари бўлиши лозимлиги айтилди
«Ҳақиқатан ҳам онангиз тиббиёт масканида даволанаётганлиги тўғрисидаги маълумотнома ва тиббиёт ходимлари томонидан тавсия этилган дори-дармонлар учун йўлланма (рецепт) мавжуд бўлган тақдирда сиз шахсий автотранспортингиздан фойдаланишингиз мумкин».
Мавзуга доир: ИИВ матбуот котиби: «Хусусий тиббиёт ташкилотлари ходимлари шахсий транспортдан фойдаланишлари мумкин эмас»
Таъкидлаш керакки, АОКАда Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов иштирокида ўтказилган брифингда ҳам шунга ўхшаш савол келиб тушганди.
Унда ўрнатилган тартибга биноан, фуқаролар фавқулодда ҳолатлар, жумладан, ҳомиладор аёлларни шифохонага етказиш учун шахсий автомобилидан фойдаланиши мумкинлиги, бу ҳақда ЙПХ ходимлари ҳам хабардор қилингани айтилган.
Ўзбекистонда 15 мартдан буён коронавирусга чалинган беморларнинг беш нафари вафот этди, 225 нафари эса соғайиб, реабилитацияга олинган. Хорижда 73 ўзбекистонликда коронавирус аниқланган (энг кўпи — 42 нафари — Россияда), уларнинг тўрт нафари вафот этган.
Изоҳ (0)