19 апрель куни Ахборот ва оммавий коммуникациялар агентлиги ҳузурида ташкил этилган штабда бўлиб ўтган брифингда аҳолига картошка ва ун маҳсулотларини манзилли равишда етказиб бериш бўйича чора-тадбирлар тўғрисида хабар берилди.
Бош прокуратура ҳузуридаги Иқтисодий жиноятларга қарши курашиш департаменти бўлим бошлиғи Фарҳод Очилов маълумотига асосан, Республика бўйича картошкага бўлган талабнинг кескин ошганлигини ҳисобга олиб, импорт қилинган картошканинг «биринчи қўл» тамойили асосида марказлашган тарзда, манзилли равишда етказиб бериш механизми йўлга қўйилган.
Мавзуга доир: Бош прокуратура: «1095 та ҳолатда 2 млрд сўмдан ортиқ маҳсулотларни қиммат сотиш аниқланган»
Жумладан, карантин даври давомида Қорақалпоғистон Республикаси ва вилоятларга 24 780,4 тонна, Тошкент шаҳар деҳқон бозорлари, савдо тармоқлари ҳамда сайёр савдо шохобчаларига 5 500 тонна картошка етказилгани билдирилди.
Сўнгги кунларда долзарб бўлиб турган яна бир масала — ун маҳсулотларини аҳолига тизимли ва ҳамёнбоп нархда етказиб беришда 15 апрель куни Ўзбекистон Республикаси Вазирлар Маҳкамасининг махсус баёни қабул қилинган.
Мавзуга доир: «Ўздонмаҳсулот» ишлаб чиқарган бир қоп ун нархи 125 минг сўм қилиб белгиланди. Энди ун биржа савдоларисиз сотилади
Мавзуга доир: 17 кунда кўчма ярмаркалар орқали 31 765 тонна озиқ-овқат маҳсулотлари арзон нархларда сотилгани маълум қилинди
Аввалроқ Бош прокуратура томонидан нарх ошиши бўйича норозилик мурожаатларининг асосий қисми қайси вилоятлардан эканлиги айтилган эди.
Изоҳ (0)