Хитой ялпи ички маҳсулоти 2020 йилнинг биринчи чорагида 6,8 фоизга тушиб кетди, бу 1976 йилдан буён кузатилган илк камайиш ҳисобланади. Бу ҳақда Хитой миллий статистика бюросига таяниб, South China Morning Post хабар берди.
Reuters’нинг ёзишича, Хитой ЯИМининг 6,8 фоизга қисқариши мамлакат 1992 йили ЯИМни чорак ҳисобида ҳисоблашни расман бошлаганидан буён биринчи марта кузатилмоқда.
Бундан ташқари, NBS маълумотларига кўра, март ойида мамлакат иқтисодиёти кучли босим остида бўлган. Айниқса, саноат сектори, чакана савдо ва асосий инвестициялар жабр кўрган. Чакана савдо январь ва февраль ойида қайд этилган рекорд даражадаги қулаш — 20,5 фоиздан кейин 15,8 фозига қисқарган, асосий капиталга киритилувчи инвестициялар эса 16,1 фоизга тушиб кетган.
Хитойда ишсизлик даражаси март ойида 5,9 фоизга етган. Бироқ SCMP’нинг таъкидлашича, ушбу маълумотларни ҳисоблашда хорижда меҳнат қилувчи мигрантлар ҳисобга олинмаган, улар коронавирус сабаб жорий этилган чекловлар сабаб Хитойга қайтиб кела олмаган.
Февраль ойи охирида Pacific Investment Management Co.(PIMCO) Хитой ялпи ички маҳсулоти коронавирус туфайли 2020 йилнинг биринчи чорагида 6 фоизга қисқаришини тахмин қилганди.
Мавзуга доир: Жаҳон иқтисодиётининг ўсиши ҳақидаги прогноз вирус сабаб қулаш бўлиши тахминига алмаштирилди
Изоҳ (0)