АҚШда ўтган бир сутка ичида коронавирус оқибатида вафот этганлар сони рекорд даражага етди. Бу ҳақда Жонс Ҳопкинс университети маълумотларида келтирилган.
Университет ҳисоб-китобларига кўра, 15 апрелдан 16 апрелга қадар бир сутка ичида 4591 киши вафот этган, шунингдек, яна 31 451 кишида касаллик аниқланган. Ўтган бир суткадаги ўлим даражаси одатдагидан икки баробарга ошиб кетди.
Аввалроқ президент Трамп АҚШда коронавируснинг энг юқори чўққиси ортда қолганини маълум қилганди.
Эслатиб ўтамиз, АҚШда коронавирус қурбонлари сони бўйича кунлик антирекорд 14 апрель куни янгиланганди — бир суткада 2,2 мингдан ортиқ бемор вафот этган.
Тошкент вақти билан соат 9:50 ҳолатига кўра, АҚШда коронавирус билан касалланганлар сони 671 минг кишидан ошиб кетди, жами қурбонлар сони эса 33 284 кишига етди.
Мавзуга доир: Дональд Трамп Жаҳон соғлиқни сақлаш ташкилотини молиялаштиришни тўхтатишини маълум қилди
Изоҳ (0)