Meduza нашри Эквадорнинг энг катта шаҳарларидан бири Гуаякилда кузатилаётган вазият ҳақидаги суратларни тақдим этди. Ушбу фотосуратларни кўриш ёш болалар, асаби таранг, юраги бўш кишиларга тавсия қилинмайди.
Эквадорнинг энг катта шаҳарларидан бири Гуаякилда коронавирусдан вафот этганлар сони бўйича мамлакат антирекорди қайд этилган. Фотоларда шаҳардаги тиббиёт муассасаларининг март ойи охири ва апрель бошларидаги ҳолати акс этган. Касалхоналар беморларнинг кўплигига дош бера олмаяпти, уйлар ва ўликхоналар касалликдан вафот этганларнинг мурдаларига тўлиб кетган.
Шаҳарда ҳатто тахтадан ясалган тобутлар ҳам етишмайди, шаҳар тезкор штабининг раҳбари Хорхе Ватед бошчилигида аҳолига 2000 га яқин картондан ясалган тобут тарқатилган. Штаб бошлиғининг сўзларига кўра Гуаякилда 2,5 миллионга яқин аҳоли истиқомат қилади ва ўлганлар сони камида 4,5 минг кишини ташкил қилиши мумкин.
Сўнгги расмий маълумотлар бўйича Эквадорда коронавирус инфекциясини юқтириб олганларнинг умумий сони 7,5 минг нафарни ташкил қилган, 355 нафар киши касалликдан вафот этган. Аммо Ватед апрель бошидаёқ бир ҳафта ичида шаҳарда ишловчи хизматлар 520 нафар мурдани уйлардан олиб чиққанини билдирган.
Изоҳ (0)