Коронавирус пандемияси сабабли Фарғона вилоят Халқ қабулхонасига келиб тушаётган мурожаатлар эндиликда онлайн тарзда қабул қилинмоқда. Ҳамда ҳар бир мурожаат ўта қисқа фурсатларда ўрганилиб, ўз ечимини топмоқда. Бу «Дарё»га халқ қабулхонаси ахборот хизмати хабар берди.
Маълум қилинишича, Президент Халқ қабулхонаси бошчилигида ўтган ҳафта давомида Бағдод тумани бўйича 700 дан зиёд эҳтиёжманд оилаларга озиқ-овқат маҳсулотлари етказиб берилди. Ҳозирда эса яна 1300 та оилага ёрдам бериш назарда тутилган.
Фурқат туман Халқ қабулхонасига ҳам келиб тушаётган аксарият мурожаатлар деҳқон бозорларидаги нарх-наволар, пенсия ва нафақалар тўлови, дезинфекциялаш жараёнлари ҳақида бўлиб, масъуллар томонидан уларнинг ечимини топиш чоралари кўрилмоқда. Мисол учун, «Фарғона сувтаъминот» МЧЖ тумани бўлими томонидан тоза ичимлик сувини етказиб бериш, жойларда юзага келган авария ҳолатларини бартараф этилмоқда.
Мавзуга доир: Ўзбекистонда карантин даврида Президент виртуал қабулхонаси ва Халқ қабулхоналари мурожаатларни кўриб чиқишни давом эттирмоқда
Маълумот учун, Ўзбекистонда 17 апрель соат 16:00 ҳолатига кўра, коронавирус инфекциясини юқтириб олганлар сони 1390 нафарни ташкил этмоқда. Касалликдан тузалганлар 140 тага етди. Мамлакатда 15 мартдан буён коронавирусга чалинган беморларнинг тўрт нафари вафот этди
Изоҳ (0)