Tesla Моdel 3’га ўрнатилган камера бошқарувни йўқотган пикап билан Калифорния йўлларида содир этган тўқнашувини тасвирга олишга муваффақ бўлди. Ёмғир ёғаётгани ва ҳайдовчи бошқарувни эплай олмагани сабабли машина автопилотда келаётган Tesla Моdel 3’нинг йўлидан чиқиб қолган, деб хабар беради Motor.
Видеодан кўриш мумкинки, Моdel 3 электромобилининг тормози ишга тушганига қарамай у тўқнашувдан қочмаган. «Автопилот ишга тушишини кутиб ўтирмасдан тормозни босдим. Ким тезроқ ҳаракат қилганига ишончим комил эмас — менми ёки тизим», — дейди электрокар эгаси Трой Дэвис.
Йўл-транспорт ҳодисаси оқибатида ҳеч кимга жароҳат етмаган, Tesla Моdel 3 эса таъмирланган. Бироқ аварияга сабабчи бўлган пикап воқеа жойидан қочиб кетган ва айбдор жавобгарликка тортилмаган.
Америка брендининг барча электромобиллари TeslaCаm тизимига эга. У орқа қанотларда, олд ойна ва видеорегистратор вазифасини бажарувчи қуйруқ қисмида жойлашган камераларни ўз ичига олади. Видеотасвир бир вақтнинг ўзида бир неча нуқтадан ёзиб олинади.
Изоҳ (0)