Тошкент шаҳрида 14 апрель куни Нурафшон ва Чиғатой кўчалари кесишмасида тез тиббий ёрдам машинаси иштирокида йўл-транспорт ҳодисаси юз берди.
Ижтимоий тармоқларда тарқалган суратларга кўра, тез тиббий ёрдамнинг Ford русумдаги машинасига жиддий зарар етган ва у чорраҳада чап томонга ағдарилган.
Ҳозирча ЙТҲ оқибатида жароҳатланганлар ёки вафот этганлар ҳақида маълумот мавжуд эмас, ҳодиса юзасидан расмий маълумот берилгани йўқ.
Эслатиб ўтамиз, Тошкентда тез ёрдам хизмати тўлиқ рақамлаштирилиб, 150 та Ford русумидаги энг замонавий реанимобил жорий йилнинг январь ойида фойдаланишга топширилганди. Вилоятларда ҳам шундай тизимни жорий қилиш режалаштирилмоқда.
Аввалроқ Жиззахда ишончномаси ва стикери бўлмаган ҳайдовчи пиёдани уриб юбориши оқибатида, пиёда шифохонада вафот этгани ҳақида хабар берилган эди.
Изоҳ (0)