Буюк Бриянияда руль қисми ўнг томонда бўлган «ГАЗ-21П» сотувга қўйилди. 1963 йилда ишлаб чиқарилган ноёб модификацияли «Волга» учун 40 минг фунт стерлинг (50 минг доллар) сўралмоқда, деб хабар беради Motor.
Суратларга кўра, «Волга» бир неча маротаба бўялган. Шунга қарамай, у жуда ҳам ачинарли аҳволда. Машинанинг кузовлари ва бамперлари коррозияга учраган, ўриндиқлари йиртилган, капоти ости занглаб кетган. Одометрга кўра, ноёб нусха 127 676 километр масофа босган.
Автомобилнинг барча агрегатлари ўзиники. «Волга» 80 от кучига эга 2,4 литрли двигатель билан жиҳозланган ва уч поғонали механик узатмалар қутиси билан бошқарилади. Рули ўнг томонда бўлган модификациялар узатмалар қутиси ричагининг жойлашган ўрни билан ажралиб туради. У руль колонкасида эмас, полда жойлашган.
Автомобиль нархининг 40 минг фунт стерлинг эканлигига сабаб — рули ўнг томонда бўлган «Волга»лар узоғи билан юз нусхада ишлаб чиқарилган. «ГАЗ-21П» версияси эса икки нусхада қолган. Ушбу машинадан реклама тасвирга олишда фойдаланилган.
Изоҳ (0)