YouTube’даги Cаrwоw канали турбодизель моторга эга йўлтанламасларнинг кучини ноодатий тарзда синаб кўрди. Шоуменлар Land Rover Discovery, Volkswagen Touareg, Audi Q7 ва Toyota Land Cruiser Prado ўртасида арқон тортиш мусобақасини ўтказди. Барча автомобилларга бир хил шиналар «кийдирилган» бўлиб, беллашув ўтлоқда ўтказилди, деб хабар беради Motor.
Беллашув иштирокчилари учун 254 от кучи ва 600 Нм айланувчи моментига эга 3,0 литрли V6 турбодизель двигатели мезонга айланди. Рақобатчилари орасида энг оғири бўлган (2230 килограмм) Британия йўлтанламаси 3500 килограмм юкни тортишга қодир бўлиб, нархи 71,2 минг фунт стерлинг туради.
Volkswagen Touareg’га эса 286 от кучига эга 3,0 литрли V6 турбодизели ўрнатилган. Немис автомобилининг оғирлиги 2070 килограммга тенг ва у 3,5 тонна оғирликдаги юкни тиркама орқали торта олади. Машина Буюк Британияда 73,4 минг фунт стерлинг атрофида сотилади.
Янгиланган Audi Q7’га Touareg’ники каби агрегат база ўрнатилган. Двигатель, трансмиссия ва юк ташиш қобилияти ҳам бир хил. Машина оғирлиги 2165 килограммга тенг. Моделнинг S-Line пакетли версияси 84,75 минг фунт стерлинг туради.
Ниҳоят Land Cruiser Prado — йўлтанламаслар орасида ҳамёнбоп ва кам қувватли ҳисобланади. Машинага 186 от кучига эга тўрт цилиндрли 2,8 турбодизели ўрнатилган Land Cruiser Prado’нинг оғирлиги 2125 килограммга тенг, нархи эса 55,35 минг фунт стерлинг.
Изоҳ (0)