Porsche компанияси 2019 йилда эришилган натижаларга кўра, ўзининг 25 минг ходимига 9700 евродан мукофот пули тўланишини маълум қилди. Бироқ автомобиль ишлаб чиқарувчи ўз ходимларидан ушбу маблағларни коронавирус инфекцияси ва пандемия оқибатларига қарши курашувчи Porsche фондига ўз хоҳишлари билан ўтказиб беришларини сўрамоқда, деб хабар беради Motor.
Porsche’нинг ноодатий чақируви иқтисодий инқироз кучайиб бораётган бир шароитда янгради: Германиядаги завод маркаси коронавирус сабаб автомобиль ишлаб чиқаришни тўхтатиб қўйди, компания маҳсулотларига бўлган талаб камайиб бормоқда.
Шунга қарамай, Porsche компаниянинг муваффақияти жамоанинг хизмати эканлигини доим таъкидлаб келади, шу сабабли менежерлар ўтган йили ходимларни мукофот пулидан маҳрум қилишга жазм эта олмаган. Porsche бошқаруви кенгаши раиси Оливер Блюмнинг маслаҳатига қанча ишчи риоя қилиб, ўз пулларини олишдан бош тортиши номаълум, шунга қарамай, немис фирмасининг раҳбарлари коронавирусга қарши кураш фондига 500 минг евро хайрия қилиб, яхши намуна кўрсатди.
Таъкидланишича, Германияда ишланмайдиган ҳафталарда иш ҳақи оғирлиги бизнесга тушмайди: карантин туфайли корхоналар ишламай қолса, ходимларга маош бюджет ҳисобидан тўланади. Йирик фирмаларнинг ходимларига ҳар ой маошининг 60 фоизи ўтказиб берилади, кичик бизнес билан шуғулланувчилар эса 9 минг евродан 15 минг еврогача бир марталик тўловларни олиш ҳуқуқига эга.
Изоҳ (0)