Дизайнер Range Rover седанининг замонавий лойиҳасини тақдим этди (фото)

Россиялик дизайнер Игорь Краснов Land Rover маркаси остидаги седанни тасаввур қилиб, унинг суратлари билан бўлишди. Красновни Range Rover’нинг тўртингчи авлоди илҳомлантирган: йўлтанламас олд тарафидан виртуал седан билан бир хил кўринишга эга, кузовнинг орқа томони эса нолдан бошлаб чизилган, деб хабар беради Cardesign.

Игорь Красновнинг баҳолашича, стандарт ғилдирак базасига эга Range Rover седанининг узунлиги 5,4 метрга етади, унга Rolls-Royce Ghost асосий рақобатчи бўлиши мумкин эди. Дизайнернинг таъкидлашича, у мазкур марканинг седани лойиҳаси устида анчадан буён бош қотириб келади, чунки Range Rover йўлтанмасининг узунчоқ олд томонида ва кузовининг силлиқ чизгилари енгил моделлар учун ҳам тўғри келади.

Краснов Range Rover седани билан бирга, оргинал ғилдиракларга эга SVR версиянинг «ўқланган» рақамли моделини ҳам яратди. Ташқи кўринишидан иккала модификация ҳам ажойиб кўринишга эга: бамперларининг шакли ва оптикаси сабаб Land Rover брендини орқа ва олдидан бемалол ажратиб олса бўлади.

Шунингдек, моделда Британия байроғи рамзи сифатида яратилган олд қанотларидаги «жабралари» ҳам сақлаб қолинган.

Land Rover компанияси енгил моделлар ишлаб чиқариш билан шуғулланмайди, ахир седанлар учун «қариндоши» Jaguar маркаси жавоб беради. Бунинг устида енгил моделларга бўлган талаб камайиб бормоқда.